DILI –
Advogadu estranjeiru Antonio Vivo apresia dezenvolvimentu sistema justisa iha
Timor Leste, tamba tuir nia hare katak foin tinan haat serbisu iha Timor Leste,
maibe progresu boot iha sistema judisial, no Timor hatudu boavontade no
disponibilidade atu serbi povu no rai ida nee.
Antonio
Vivo nuudar avogadu Italiano neebe mak serbisu iha Timor liliu iha parte
justisa nian katak, foun-foun mai iha Timor koalia kona ba rekursus finanseiru,
rekursus umana seidauk prontu maibe durante durante tinan 4 nia laran iha
movimentu kona ba dezenvolvimentu boot iha kapasidade rekursus umanus, no boa
vontade husi ema Timor oan nian atu serbisu.
Hau
optimista tebes kona ba sira nia serbisu no dezenvolvimentu iha sistema justisa
Timor Leste nian,”dehan Antonio ba STL, iha Otel Novu Turismu, Kuarta
(23/11/2016).
Nia
hatutan, Ministeriu Publiku (MP) halo ona esforsu boot hodi halo serbisu diak
liu hodi serbi povu Timor Leste diak liu tan. Iha mundu tomak iha sistema
justisa nian iha ninia limitasaun iha rekursu finaseiru, limitasaun ba ema
neebe mak disponivel atu halo serbisu maibe nee normal no hola parte prosesu
dezenvolvimentu, tamba nee presiza ema nia matenek, pasendia, tempu no
sakrifisiu oi-oin.
Iha
fatin ketak, tuir akademiku direitu UNDIL Acacio Fernandes katak apresia tebes
hirak neebe mak serbisu iha sistema jurdisial iha Timor Leste tamba ema neebe
mak serbisu iha instiuisaun refere ema neebe mak mesak S1, S2, no S3.
Informasaun kompletu iha STL Jornal no STL Web, edisaun Sesta (25/11/2016). Domingos
Piedade Freitas
Suara
Timor Lorosae
Sem comentários:
Enviar um comentário