DILI
– Korupsaun iha Timor Leste (TL) kuandu kontinua buras, hatudu katak ukun nian
sira la iha kakutak patriotismu no nasionalismu, tanba nee hanoin deit naok
hodi habokur nia familia.
Lia
hirak nee hatoo husi Observador Politika Augusto de Carvalho, ba STL iha nia
knar fatin Comoro, Dili, Kinta (24/11/2016).
Ukun
nain sira kuandu la iha kakutak patriotismu no nasionalismu konserteza
korupsaun buras iha ita nia rain, nune mos ita nia nasaun nia kredebelidade sei
monu iha mundu, tanba ne hahu agora ba oin tenke tau aas patriotismu no
nasionalismu hodi servi ita povu no nasaun ho onestu, se la ita kontinua
markarpasu iha ita nia fatin,” hateten Agusto.
Nia
mos haklean se ukun povu no nasaun maka aproveta oportunidade ida nee, hodi
nauk povu nia osan hodi habokur familia, sira nia vida sei la naruk, tanba
nasaun nee hamrik iha ruin no ran nia leten, tanba nee ukun nain sira tenke tau
atensaun.
Iha
parte seluk ativista Deonato Pereira hateten sai lider ka ukun nain nee ba
nasaun no povu tomak, maibe sai ukun nain ba nia grupu ka ba nia familia,
hamonu ona nia nasaun ba tasi laran. Informasaun kompletu iha STL Jornal no STL
Web, edisaun Sesta (25/11/2016). Joao Anibal
Suara
Timor Lorosae
1 comentário:
Naok ten sira, ita hare'e malorek maibe la barani atu koalia ba tribunais, ema barak hetan osan husi projeitu, tekniku Obraspublika no ADN sira hetan osan husi kompania local-atu hetan projeitu ida sira tenqui selu tekniku sira liu liu sira nebe halo supervizaun ba obra sira, policia sira geng iha sidade laran halo kobransa ba loza sira, faktus laiha tamba nasaun ne;e sei frazil hela, ita hotu nia mentalidade sei fraku, ita hotu tenqui iha aten brani atu koalia. se hakarak hadia nasaun ne'e.
Enviar um comentário