Advogadu La Garante Emília Mai Rona Akordaun hosi Tribunal

diariutimorpost.tl - Advogadu Pedro Camões, ne’ebé fó asisténsai legál ba kazu arguida Emília  Pires hatete, nia kliente to’o agora sei halo hela tratamentu iha ospitál iha Portugal. Tanba ne’e, nia la garante nia kliente atu partisipa iha desizaun akordaun.

Tuir ajénda, iha loron 25 fulan ne’e, julgamentu kontinuasaun no posibilidade tribunál foti ona desizaun akordaun. Tanba ne’e,  advogadu dehan, karik nia kliente nia kondisaun saúde di’ak ona, bele mai, maibé karik seidauk di’ak, desizaun leitura akordaun bele la’o nafatin.

“Agora ha’u nia kliente sempre komunika liuhosi meus telefone ho meus seluk tan. Ho hanoin la posivel arguida to’o mai,” Pedro ba Jornalista sira iha Tribunál Distrital Dili (TDD), Kuarta, (23/11).

Advogadu senior timoroan ne’e hatete, maske nia kliente iha hela rai liur, tuir regras no lei prosesuál, tribunál primeira instánsia bele foti ona desizaun ba leitura akordaun.

Nia rasik kontaktu ona ho nia kliente katak, bainhira tribunál foti ona desizaun, nia sei haruka hotu dokumentus desizaun nian ba nia kliente hodi halo rekursu sé desizaun kondena tama kadeia.

“Aktus hotu kona-bá leitura akordu karik kondena ou absolve. Tenke manda hotu ba Portugál, atraves embaixada para arguida lê, nune’e arguida atu halo reazen saida, rekursu ou oinsá,” Advogadu Pedro subliña ba jornalista sira.

Nia esklarese, kona-ba pedidu ne’ebé  nia kliente hatuka ba embaixada Timor Leste iha Portugal husu atu bainhira desizaun primeira instánsia, advogadu bele haruka dokumentus desizaun nian ba nia, la’ós atu transmite kazu ba halo julgamentu iha tribunál Portugal. (max)

Timor Post