GOVERNU INVESTE OSAN US$ 4.9 MILLOENS BA TIMOR CEMENT

Governu sai asionista  hodi tau osan US$ 4.9 milloens  ba investimentu  fábrika Timor Cement iha Caisido, Munisípiu Baucau.

Ne’e duni iha Reuniaun Konsellu Ministrus Tersa (22/11), aprova  proposta kontra partidas  ne’ebé mak aprezenta husi  Ministro  Estado Coordenador Assunto Económico e Ministro Agricultura  Pescas (MECAE), Estanislau da Silva.

Husi  proposta kontra partida  ne’ebé mak KM aprova  ne’e Estadu mós sai asionista  iha  investimentu fíbrika  Timor Cement ne’e.

“Ohin  (horiseik) iha KM extra ordinariu,  Ministro  Estado Coordenador Assunto Económico e Ministro Agricultura  Pescas ninian aprezenta  proposta   kona-ba kontra partidas Estadu   iha  investimentu  Timor Leste Cement,  ne’e hetan  aprovado katak, Estadu mós sai asionista  iha  investimentu fábrika  Timor Cement,”esplika  Sektrariu Estadu Konsellu Ministrus, Avelino Coelho, ba  jornalista iha Palasiu Governu, hafoin reuniaun KM.

Nia hatutan,  nu’udar asionista  Governu tenki tau osan iha investimentu fábrika Timor Cement  ne’e. Maibe  Governu tau osan hira-hira ne’e, seidauk desidi.

Alen de  ne’e, tuir Ministro  Estado Coordenador Assunto Económico e Ministro Agricultura  Pescas, Estanislau da Silva, katak,  rezolusaun  ne’ebé mak Governu aprova  ne’e, tanba   partisipasaun  Governu ninian, ne’ebé   mak desidi tiha ona liu  husi akordu  investimentu  ne’ebé  mak asina  iha  fulan Maiu tinan kotuk.

“Ha’u rasik  mak asina. Ne’e  Governu  tau rezolusaun ida atu aprova hodi halo transferensia  hahú serbisu ona iha kampo. Rai sira  ne’e sukat  hotu  ona  mapiamentu kompletu hotu ona , agora tenki hahú ona serbisu balun halo lutu, halo uma hahú hodi hah’u treinamentu. Governu halo transferensia U$ 4.9  milloens,”hatete Estanislau da Silva.

Nia realsa katak,  investimentu ne’e hamutuk 400 milloens husi kompanha ho Governu desidi tiha ona partisia 80 milloens, maibe ne’e osan seidauk tama ida.

Maibe kompañia  ne’e husi Australiana no Korea, depois investimentu ne’e kompañia seluk mós tama hotu hanesan Alemanha.

Agora  iha fulan Abril (2017) asina akordu partisipasaun finanseiru de Governu ninian. Kmunidade ninia uma la tama  iha area esplorasaun semente  ne’e.avi

Jornal Nacional