Primeiru
Ministru (PM), Rui Maria de Araújo, iha Tersa (22/11), mais ou menus tuku
07:00 dadersan OTL, monu ho bisikleta. Husi asidente ne’e, rezulta ruin
parte kaba’as nian tohar.
Asidente
ne’e akontese, bainhira Xefe Governu ne’e hala’o hela ezersisiu
dadersan ho bisikleta sa’e ba Nahaek, Postu Administativu Lahane Vera
Cruz, Munisípiu Dili. Maibe wainhira atu fila mai, assu ida korta derepenti
tama roda kotuk, no Xefe Governu mos monu ba rai.
“Ha’u
ohin (horiseik-red) dader mai los iha reuniaun Konsellu Ministrus (KM),
tanba horikalan (horiseik kalan) servisu kuaze to’o oras tuku
08 kalan. Maibe ha’u atu mai tuir KM ne’e, ha’u simu informasaun iha
dalan dehan PM monu ho bisikleta. Ha’u rona nia atu evakua halo operasaun iha
Singapura. La’os buat ida todan, maibe ruin klaudikun (parte
kaba’as) nian mak tohar,”esplika Ministru Estado Coordenador Assunto
Económico e Ministro Agricultura e Pescas (MECAE), Estanislau da Silva, ba
jornalista iha Palasiu Governu, hafoin reuniaun KM, Tersa (21/11).
Ho
akontesimentu ne’e, PM Rui, labele prezidi reuniaun KM extra
ordinariu. Nune’e rueniaun ne’e prezidi fali husi Ministru
Konsellu Ministrus Agio Pereira ho Sekretariu Estadu Konsellu Ministrus (KM),
Avelino Coelho.
Iha
asidente ne’ebé mak involve husi Xefe Governu
ne’e, wainhira jornalista sira hein Vise Ministra Saúde
(MS), Ana Maria Isabel, atu halo konfirmasaun detalhada,
maibe Vise MS ne’e la’o ses tiha deit husi jornalista sira, depois haruka
ninia eskoltu lori kareta ba tula deit nia iha
edifisiu Ministériu Finansas, hafoin reuniaun KM.
Nune’e
mós tuir informasaun balun ne’ebé mak JN-Diário hetan katak, hafoin asidente
ne’e, Xefe Governu mós hala’o tiha tratamentu iha Hospital Nacional Guido
Valadares (HNGV), iha parte dader.
To’o
notisia ne’e hatun seidauk hetan konfirmasaun husi parte médiku HNGV ninian.avi
Jornal
Nacional
Sem comentários:
Enviar um comentário