DILI,
(TATOLI) - Ba desizaun Parlamentu Nasionál (PN) hodi la aprova Orsamentu
Retifikativu (OR) 2017, Bankada Aliansa Maioria Parlamentár (AMP) aprezenta mós
inisiativa legislativa ida ne’ebé sei aprezenta iha tempu badak liu husi
Prozetu de Lei (PJL) “Rejime Tranzitóriu para ezekusaun duodecimal.
Inisiativa
ida nee atu komplementa regime duodecimal ne’ebé vigor hela, hodi nune’e
Governu bele halo jestaun iha situasaun estraordinária sira hanesan formasaun
governu ne’ebé tarde no perturba siklus orsamentál estadu.
“Alien
de ne’e regime ida nee mós bele kontinua garante mákina estadu ba asuntu sira
urgenti hanesan kestaun stok ai moruk iha hospital, kombustivel ba jeradores
sentral eletrisidade no kestaun sira relasaun ho defeza e seguransa nian.
Regime ida nee sei termina imediatamente bainhira Orsamentu Jerál Estadu (OJE)
2018 vigora ona,” Xefe Bankada CNRT, Arão Noe fó sai iha konferénsia imprensa
ne’ebé hala’o iha sala bankada CNRT, Kuarta foin lalais ne’e.
Tuir
Arão rejime tranzitóriu ne’e hodi komplementa no autoriza Governu atu bele
hatún osan fundu mina rai hodi finansia nesesidade Estadu durante Orsamentu
Jerál Estadu (OJE) sidauk tama iha vigor, nune’e mós atu salva guarda situasaun
no labele husik Estadu hanesan agora.
Enkuantu
tuir lei fundu petrolíferu atu hatún osan atu sustenta nesesidade Estadu nian
tenke liuhosi lei OJE ka lei OR, “tanba rua ne’e sidauk iha maka tinan 2018,
Governu labele hatún osan husi Banku Sentrál Timor-Leste (BSTL) atu finansia
nesesidade Estadu.”
Ho
ida ne’e mak rejime tranzitóriu sei aprezenta iha komisaun semana oin hodi
salva guarda situasaun no husu ba bankada koligasaun (FRETILIN no PD) atu bele
konsidera.
Hatán
ba kestaun ne’e, iha konferénsia imprensa ne’ebé hala’o iha sala bankada
FRETILIN, Xefe Bankada FRETILIN, Francisco Branco hateten iha konstituisaun la
hatete rejime tranzitóriu, ko’alia konaba orsamentu hanesan podér eskluzivu
husi Governu no PN fó inisiativa ba aliterasaun lei jestaun finanseira.
“Parlamentu
Nasionál bele inisiativa ba lei jestaun finanseira maibé konaba lei orsamentu
nian, Governu mak iha podér eskluzivu.” Branco argumenta tan.
Jornalista:
Julia Chatarina | Editór: Manuel Pinto
Imajen:
Foto Espesial
Sem comentários:
Enviar um comentário