Cabo Verde iha liña dahuluk CPLP iha tinan ne'ebé iha perspetiva ba privatizasaun

Prezidénsia hosi komunidade nasaun luzófonu sira sei marka 2018 iha Cabo Verde, ne'ebé iha perspetiva ba privatizasaun hosi empreza oioin, inklui TACV, no konkretizasaun hosi "hub" aéreu hosi Sal. 

Cabo Verde sei asumi prezidénsia rotativa hosi Komunidade Nasaun sira Lian Portugeza nian (CPLP) 2018-2020 no simu konferénsia ba dala XII hosi xefe sira Estadu no Governu luzófonu sira nian, ne'ebé sei hala'o iha fulan-Jullu.

Hafoin lakon ho Kosta Marfim ba prezidénsia hosi komisaun Komunidade Ekonómiku hosi Nasaun sira hosi Áfrika Osidental sira (CEDEAO), asaun hosi polítika externa Cabo Verde nian sei sentra, iha tinan oinmai, iha prezidénsia CPLP.

Nasaun hakarak prezidénsia ida marka ho ajenda kultural, ho proposta hosi kriasaun ba merkadu luzófonu ida arte ho kultura, no "avansu konkretu" iha kestaun sira mobilidade nian, hosi sidadania luzófonu no promosaun ba lian portugeza.

Iha tinan 2018, Cabo Verde hakarak hakotu mós prosesu privatizasaun hosi kompañia públika hosi aviasaun Transporte Aéreu Cabo Verde nian (TACV), ne'ebé agora daudaun jere hosi grupu islandés Icelandair, iha prosesu ida ne'ebé sei implika hasai traballador sira na'in 260.

Privatizasaun hosi kompañia aponta hanesan fundamental ba konkretizasaun hosi konseitu "hub" iha aeroportu Sal nian, ne'ebé prevista ba transferénsia, iha inísiu tinan nian, hosi viajen tomak empreza nian.

Ideia maka kria plataforma ida ne'beé halo Cabo Verde hanesan pontu pasajen hosi semo sira ne'ebé liga kontinente afrikanu, europeu no norte-amerikanu.

Nasaun hakarak implementa mós modelu foun ida hosi jestaun aeroportu sira nian, ne'ebé estuda hela hosi empreza ANA/VINCI, no avansa ba konsepsaun hosi jestaun portu sira nian, ho grupu portugés ETE iha lista konkorénsia nian.

Implementasaun hosi solusaun ida ba transporte marítimu entre illa sira hanesan aposta seluk ba tinan 2018, ho Governu hametin katak sei sai hanesan tinan hosi "solusaun definitivu sira" ba área transporte nian.

Hahú loron 01 Janeiru, Cabo Verde sei hahú implementa izensaun hosi vistu ba turista sira ne'ebé mai hosi Uniaun Europeia no Reinu Unidu, medida ida ne'ebé hakarak aumenta númeru hosi vizitante sira no fasilita deslokasauns ira hosi potensial investidor sira.

Cabo Verde sei haasoru mós ho efeitu sira hosi rai-maran no tinan agríkola ne'ebé aat, nune'e bele iha apoiu euro millaun 10 hosi parseiru internasional sira, liuliu hosi Uniaun Europeia, ne'ebé garanti ona ajuda finanseiru ida ho folin euro millaun hitu.

SAPO TL ho Lusa