Guiné-Bissau tama Tinan Foun hodi hanoin iha lejislativu sira

Guiné-Bissau sei tama iha 2018 blokeadu ho difikuldade polítiku ida no ho konsentrasaun iha eleisaun lejislativu sira no iha kongresu hosi Partidu Afrikanu ba Independénsia hosi Guiné no Cabo Verde (PAIGC), ne'ebé previstu ba fulan-Janeiru nia rohan.

Ho atór polítiku guiniense sira la konsege ultrapsa krizi polítika ne'ebé mosu hosi afastamentu Domingos Simões Pereira, kandidatu hosi PAIGC eleitu primeiru-ministru iha lejislativu iha 2014 no demiti hosi Prezidente guiniense liutiha tinan ida ho balun, nasaun tama iha tinan foun ho partidu sira hanoin iha pozisaun ba lejislativu sira.

Foku sei sentra iha kongresu PAIGC nian, ne'ebé sei hala'o entre loron 30 Janeiru no 04 Fevereiru, no nia lideransa foun, ho atór polítiku oioin tau pozisaun hodi aprezenta kandidatura ba prezidénsia hosi partidu, maski laiha ema ida maka admiti tuir dalan ofisial.

Úniku ne'ebé la halo parte maka Domingos Simões Pereira ne'ebé asumi ona katak sei kandidata fali.

Grupu hosi deputadu na'in 15 ne'ebé duni sai hosi PAIGC, hafoin xumba tiha programa hosi Governu partidu nian, anunsia ona katak hakarak fila ba partidu no sei partisipa iha kongresu.

No, maski laiha garantia sira, antigu primeiru-ministru guiniense Carlos Gomes Júnior bele fila ba nasaun, espekula katak sei fila hodi kandidata fali ba prezidénsia PAIGC nian, ka ba Prezidénsia Repúblika nian.

Partidu seluk ne'ebé prepara ba embate maka PRS (Partidu Renovasaun Sosial nian), ne'ebé mantén hosi Governu no asumi esperansa hodi manán iha lejislativu sira tuirmai.

Maski hala'o ona nia kongresu, órgaun diretivu sira hosi partidu seidauk seidauk fó sai ba públiku, nune'e kria mós espekulasaun kona-ba nia unidade.

Komunidade internasional insisti nafatin iha nesesidade hodi organiza eleisaun livre sira, justu sira no transparente sira iha tinan 2018, maibé Koletivu hosi Partidu Polítiku Demokrátiku sira afirma ona ba públiku katak sei la aseita eleisaun sira ne'ebé organiza hosi Governu atual ne'ebé konsidera "la tuir konstituisaun no ilegal".

SAPO TL ho Lusa