Mal Gastu Iha MCI Kuaze 30%, Inspektur Husu Ministru Kontrola Funsionariu

DILI - Tuir relatoriu neebe maka inspetur Jeral Ministeriu fo sai katak, Mal gastus mosu iha Ministeriu laran kuaze 30%, tanba nee husu ba Ministeriu atu alerta nafatin funsionariu sira iha karaik.

Kestaun nee fo sai husi Inspektur jeral Ministeriu comersiu Industri MCI, Antonio de Araujo Soares ba jornalista Kuarta (27/12/2017) iha Centru convensaun Dili.

"Hau hanoin normal kuandu mosu mal gastus ruma, no programa balun lao diak tebes, no balun lao lao diak tanba mosu buat sira hanesan nee, tanba nee husu ministeriu atu hadia problema kiik oan sira nee, atu nunee ba oin programa governu nian bele lao diak, no laiha intensaun oin oin,” dehan Antonio.

Nia informa liu tan katak, haree ba situasaun sira hanesan nee maka parte husi inspektur nia bolu Diresaun refere hodi fo hanoin ba sira, tanba buat hotu atu lao diak iha Ministeriu laran maka, presiza ema hotu nia kooperasaun hamotuk.

Iha fatin hanesan Ministru Komersiu Industria MCI, Antonio da Conceição hateten, nia parte konkorda ho buat neebe maka inspetur fo sai ona ona katak, kuaze 30% mal gastus iha Ministeriu nia laran.

Tuir Ministru nee katak, duplika servisu maka hanesan ba halo atividade divulkasaun lei maka ema hotu halai hotu ba neeba, halo promosaun ba atividade maka hotu hotu tenke halai ba neeba hotu, ida nee hatudu katak kreatividade ema nian nee laiha, no ministru mos ladun halo telite didiak konaba servisu iha baze. 

Madalena Horta/Joao Carlos | Suara Timor Lorosae