Wainhira Jesus moris, bibi atan
sira iha Belem hakfodak ho naroman boot nebe fanu sira iha kalan fahe rua e
nune’e mos wainhira Jesus mate iha Calvário nakukun boot ida taka rai tomak.
Iha acontecimento boot rua ne’e, Jesus hakarak hatudu mai ita katak Nia mak
naroman mundo nian no ida nebe lori naroman ba ema wain.
Maluk doben sira, ohin ita nia
salvador moris iha ita nia let; ida ne’e mak boa nova, ida nee mak lia fuan
diak iha loron natal nain. Kalan Natal fo hanoin Jesus nia moris iha mundo, iha
ita nia família no iha ita ida-idak nia fuan. Jesus la moris iha ambiente ida
nebe ema gasta ou ema goja haluha rai, maibe Nia moris iha mundo ida nebe kiak,
mukit iha rai belem neba. Jesus mosu wainhira ema recusa simu Maromak oan, la
iha ema ida nebe loke sira odamatan ba sira, São José no Nain Feto sente duni
rezeição tanba falta de generosidade, falta de solidariadade. Hein katak festa
Natal, sarani sira ser mais generoso e mais solidário.
Maluk doben sira, Liturgia Solene
loron ohin nee nian hakarak convida ita atu sai husi buat nakukun nian ba buat
nebe naroman, bibi atan sira simu naroman ne’e husi Kosok Oan Jesus no
trasnforma duni ba sasin Kosok Oan nia moris iha Belém. Anjo sira lori liafuan
diak Jesus nia moris nian ba bibi atan sira, anjo sira nee halo duni Jesus nia
missão atu lori naroman ba ema sira nebe lao hela iha nakukun laran, lao hela
iha sala laran, lao hela iha mate nee nia okos. Bibi atan sira laos rona deit,
maibe sira fiar iha anjo sira nia lian, halai duni ba Belém e sira hare no sira
fiar. Anjo sira nia aparição hatauk bibi atan sira, maibe wainhira sira hare
kona ba presença Jesus nian iha Presépio sira haksolok no contente. Jesus nia
presença iha Belém fo ksolok ba sira. Nee duni, se ita buka duni atu sai husi
nakukun ba naroman, ita ten que husik duni ita nia deserto ‘nakukun nian’,
deserto sala nian, hakbesik ba Presépio santidade nian no presépio moris nian.
Maluk doben sira, Timor ita
agradece ba ita nia governo tanba ukun rasik an tiha mai too agora ho esforço
ita hare eletricidade quase Timor tomak iha ona/lakan oan, maibe dalabarak sei
mate lakan, mas quase fatin barak ma acesso ona. Atu dehan de’it katak; ukun
rasik an tiha, ita koko goja ona kona ba naroman nebe mai husi rai. Ida ne’e
hatudu mai ita katak ema la hela tan hanesan uluk iha nakukun laran. Ahi bele
lakan 24 horas, maibe ita moris duni iha naroman ka lae? Naroman ida oinsa
nian, naroman ida isin nian deit ga naroman mos iha ita nia moris nudar sarani,
mas que ambiente Natal nian ita hare naroman iha fatin hotu-hotu ema hotu
haksolok, lolos ne’e ita hotu tem que haksolok, maibe dala barak mas que la
tama hotu iha haksolok, maibe hau tem que ser ema ksolok nain ida, hau nia
ksolok tem que daet, tem que atrai, hau tem que sente duni ksolok/alegira ida
ne’e iha hau nia fuan, ksolok ida ne’e ba hau nia família, hau nia bairo, no ba
hau nia rain. Maibe iha loron Natal ema hotu contente haksolok nunee mos buat
hotu nebe haleu hau ho naroman no moris, maibe iha hau nia fuan laran malirin
hela, hau la hakmatek la iha serieridade hodi hare loron hoseik no ohin la iha
diferência hanesan deit, Natal ka la Natal hanesan deit. Hau nia amizade
malirin, hau buka ses nafatin husi ema hotu no at liu tan ksolok ida Natal nian
ne’e, hau labele hetan iha hau nia família laran. Husu ba hau; ida ne’e mak
Natal ba hau? Ida ne’e mak Natal sarani ida nian? Ne’e duni, saida los mak
impede hau atu koko no goja naroman ksolok Natal nian ida nee! Se ida ne’e mak
hau nia situação, se ida ne’e mak hau nia sentimento, keta tauk! Tan ne’e mak
razão celebração Natal ida ne’e.
“laran metin nafatin ba! Ó sei
bele hare naroman iha nakukun nia laran” ida ne’e mak novidade Natal nian
ba ita hotu. Ita comtempla mistério boot Maromak nia Oan nebe halo An ba Mane,
mas que Maromak halo An kiik no simples, simplecidade labarik oan ida nian,
considera mistério boot ita nia fiar. Jesus nia moris lori moris ida nebe
hakonu ita nia moris. Tanba sala original ema hadok an husi Nia Criador,
Na’i Maromak liu husi dalan hotu, ikus liu husi Virgem ida, Nia haruka
Oan ne’e atu moris iha ita leet atu liberta ita. Mistério boot ida ne’e mak
ohin ita rona iha Evangelho ohin loron nian, oinsa são João descrevehodi dehan;
hori uluk kedas, liafuan iha nanis, liafuan horik nanis hamutuk ho Maromak,
Maromak halo sasan hotu ho Nia. São João hanaran liafuan ida ne’e mak segunda
pessoa Santíssima Trindade, laifuan ida ne’e mak sai Ema no liafuan ida nee mak
horik ho ita.
Ohin ita celebra ita nia festa
boot ida ne’e lori ita ba admira kona ba Jesus Kosok Oan nebe latan hela iha
balada han fatin, Kosok Oan ida maibe Maromak. Ohin Nia sai ida de’it ho ita
iha loron Natal ninian, maibe se ita sente augência ida, ksolok ka alegria ida
nee iha ita nia moris lolos labele hetan iha sarani ida nia moris, labele
hetan iha sarani ida nia vocabulário. Maromak laran diak, laran midar la kole
atu buka ita, maibe dalaruma saida mak mosu, hau mak sai obstáculo ba ksolok
nebe mai husi Na’i Maromak, hau mak sai obstáculo ba ksolok iha hau nia
família, hau mak sia obstáculo ba ksolok ba hau nia maluk sira, tanba sa? Tanba
São Paulo dehan; tanba dalaruma hau lakohi husik dalan a’at, dalaruma hau
lakohi husik atu moris tuir dalan justiça nian, hau lakohi moris iha fiar, hau
lakohi hamtauk Na’i Maromak, tanba hau hakark livre husi ukun ema nian, hau mos
hakarak livre husi ukun Na’i Maromak nian, husi liur aparentemente ita hakarak
livre, infelizmente ita nia conciência la livre, la hakmatek tanba hau contra
hau nia conciência rasik.
Ne’e duni maluk doben sira, mas
que povo nebe ahi lakan 24 horas, maibe dalaruma ita sei moris iha nakukun
laran, nakonu tanba hau rasik sai atan ba hau nia an rasik. “O verbo era
luz verdadeira que vinga o mundo ilumina tudo homen”. Nia tun mai iha rai
atu lori ita fila ba iha condição ida Maromak nia oan nian, maibe ita acolhe,
ita tem que simu iha ita le’et salvação ida nebe Nia oferece. Hanesan São João
dehan; “sira hotu nebe simu Nia, Nia sei hakbiit atu sai duni Maromak nia
oan, basá sira fiar iha Nia naran”. Ida ne’e hatudu momos mai ita hotu
katak, husi kedas início Jesus mai uluk nanain ba hirak nebe ema hewai, ba
hirak nebe lao sala dalan, ba hirak nebe lao iha nakukun laran, basá hirak ne’e
mak hein hela liafuan ohin nian, liafuan ida vocação nian, liafuan esperança
nian. Sinal ida bibi atan sira hatene katak ida ne’e mak Maromak oan laos ho
fitun nebe haleo iha Kosok Oan nia ulun, laos exersíto anjo sira nain, maibe
simplesmente sira descobre kiak ida iha kiak sira nia let eu pobre entre os
pobres.
Festa Natal festa naroman, festa
moris, festa espernca. Maluk doben sira, se mak soi ba moris foun ida ne’e? Se
mak soi duni ba naroman boot ida ne’e? ksolok boot mai ita iha loron ida ne’e
mak nee; Maromak hadomi hau, Nia lakohi hau atu hela iha nakukun laran, maibe
moris alegre/ksolok nebe boot tebes, nia halo an kiak duni no moris iha kiak
sira le’et. Ida ne’e mak razão ba hau nia ksolok Natal nian. Maromak hadomi hau
nafatin hakarak hau nia diak, ida ne’e mak ksolok ita sarani sira nain.
confirma ho Santo boot ida dehan hanesan ne’e; ‘ohin la iha tan ona fatin ba
laran susar, basá ohin moris ona iha ita nia let, Maromak Oan halo An ba ema,
atu ita mos bele sai Maromak oan. Ida ne’e mak convite boot ba ita hotu iha
loron boot Natal nee nian, atu ita mos celebra Natal momento ida atu ita hadia,
momento ida ita hametin, haburas no momento ida atu hadiak liu tan ita nia an
nudar Maromak oan, atu nune’e ita mos iha loron ida bele celebra Natal rohan
laek nian ne’e hamutuk ho Jesus ba nafatin.
Sem comentários:
Enviar um comentário