DILI - Sekretariu Estadu
Juventude Traballu, la tolera estranjeiru sira neebe mai ho vistu Turista,
maibe too iha TL halo fali atividade seluk, tanba nee husu ba kompana ou
empregador neebe fo servisu ba ema sira neebe gosta vioale lei nee, tenke
informa ba SEJT.
Durante nee Sekretariu Estadu
Juventude Traballu halo ona inspesaun iha baze, no identifika traballador balun
neebe uza Vistu Turismta hodi halo atividade iha Dili laran.
Kestaun nee fo sai husi
Sekretariu Estadu Juventude Traballu, Nivio Magalhaes ba STL, Sesta
(05/01/2018) iha nia knaar fatin Caicoli Dili.
“Servisu inspesaun ba ema
estranjeiru neebe uza vistu turista nee, laos SEJT mesak maka halo maibe,
servisu hamutuk ho parte imigrasaun hodi haree ba asuntu nee, no sira neebe no
ema sira nee ita prosesu tuir lei neebe maka iha, balun bele deporta fila no
balun liu husi prosesu,” dehan Nivio.
Nia mos haktuir liu tan katak,
ema sira neebe maka uza vistu turista mai halo fali atividade seluk, hanesan
negosiu nee, mai husi nasaun barak, hanesan India, Filipina, Indonesia no sira
seluk, ema sira tenke prosesa duni sira tanba mai, ho vistu turista maibe too
TL halo fali atividade seluk.
Iha parte seluk, emprejariu Timor
oan Augusto Maria Alves hateten, Ministeriu kompetente tenke halo kontrola ba
ema sira neebe maka tama sai iha rai laran, tenke kontrola ema neebe tama mai
nee atu halo saida, selae maka ema mai ho vistu turista halo fali atividade
negosiu iha rai laran.
Madalena Horta/Joao Carlos | Suara
Timor Lorosae
Sem comentários:
Enviar um comentário