Deputadu timoran sira manifesta
sira nian preokupasaun iha loron-segunda ne'e konabá rekolla lixu iha kapital
timoran, no alerta ba problema sira iha zona barak sidade nian, ne'ebé maka
agrava tanba tempu udan ne'e. "Iha preokupasaun barak konabá rekolla lixu
iha sidade".
"Kompañia kontratada parese
la kumpri lolos sira nian serbisu", hatete deputada Fernanda Lay, hosi
Congresso Nacional da Reconstrução Timorense (CNRT), partidu boot koligasaun
Governu nian, iha parlamentu.
Iha rede sosial sira mosu
denunsia barak konabá kontaminasaun sidade Dili nian.
"Situasaun ne'e agrava risku
saude ba sidadaun sira liu hosi kontaminasaun", refere deputada ne'e, no
apela ba Governu hodi avalia situasaun ne'e no esplika problema saida ho
rekolla lixu nian.
Xefe Saneamentu Munisipiu Dili
nian, Domingos Soriano, esplika ba Lusa katak situasaun lixu iha sidade ne'e
koriji hela hafoin problema balun iha final tinan kotuk nian, relasiona ho
aumentu populasional nian.
Responsavel ne'e adminte katak
rekursu sira en'ebé eziste la sufisiente, maibé justifika, katak Governu
sentral la iha fundu ne'ebé disponivel, liu-liu ho nasaun ne'ebé iha duodesimu
hela. Domingos Soriano esplika katak hodi kombate lixu, importante
"aumenta edukasaun no sensibilizasaun sosiedade nian" konabá tema no
defende katak autoridade sira aselera implementasaun lei ida, ne'ebé iha vigor
ona iha tinan barak nian laran, ne'ebé maka prevé multa ba sira ne'ebé halo
foer.
Dezde inisiu tinan ne'e maka iha
vigor kontratu foun ba rekolla lixu nian iha Dili, ho valor dolare rihun 940,
ho empreza timoroan Fabuldus.
SAPO TL ho Lusa
Sem comentários:
Enviar um comentário