DILI - Problema eletrisidade
nafatin sai preokupasaun boot ba Deputadu sira iha Parlamentu Nasional, tanba
too oras nee ahi kontinua mate lakan iha Munisipiu nomos iha capital Dili hodi
estraga ema nia sasan eletronik.
Preokupasaun nee hatoo husi
Reprezentante povu iha uma fukun parlamentu Nasional PN, Deputadu Nue da Silva,
Segunda (21/01/2019) liu husi sesaun Plenaria.
“Ita preokupa bain hira halo
konfirmasaun dehan mina maka laiha, serake alokasaun orsamentu ba iha mina nee
alokadu tiha ona, tanba sa maka mina nee laiha hela, no ahi mate lakan hodi
estraga ema nia sasan, tanba nee lori povu nia naran atu husu esplikasaun ruma
husi governu, tanba saida maka ahi nee mate lakan hela deit iha, nasional nomos
Munisipiu,”informa Deputadu nee.
Nia mos afirma liu tan katak,
durante fulan hirak nia laran ahi kontinua mate lakan hela deit, dehan mina
laiha hela deit tanba nee, atu husu deit katak osan sira neebe alokadu husi
Parlamentu atu sosa konvustivel nee ba hotu neebe, tanba nee presiza
esplikasaun husi governu.
Iha fatin hanesan, Deputadu
Domingos Lemos mos hatutan, problema eletrisidade laos akontese deit iha
Nasional, maibe akontese mos iha Munisipiu Ermera neebe mate la hatene
loron no la hatene kalan, tanba nee estraga komunidade nia sasan eletronik
barak maka aat, impaktu husi ahi mate lakan, udan laiha mos nia mate,
udan iha mos nia mate ida nee sai problema boot.
Notisia kompletu lee iha jornal
STL edisaun Tersa (22/01/2019)
Madalena Horta/Carme
Ximens/Guilhermina Franco | Suara Timor Lorosae
Sem comentários:
Enviar um comentário