Realiza Konferensia Internasional Lingua Portugesa, PM Rui Sei Apoiu Finanseiru

DILI - Timor Leste (TL) sei realize aktividade konaba institute internasional lingua portugesa, tamba nee husi komisaun Nasional institute Lingua Portugesa hasoru Primeriu Ministru (PM) Rui Maria de Araujo, tema ba konfrensia internasional nee no apoiu finanseru.

Tuir Membru Komisaun Nasional Institutu Lingua Portugesa Benjamin Cortereal katak sira mai hasoru Xefi Estadu tamba iha tinan 2016 TL sei realize konfrensia Internasional Lingua Portugesa, tamba konfrensia nee hanesan orgaun ida iha CPLP.

Entaun komu Timor Leste maka responsabelidade atu organiza konfrensia internasional, konba lingua portugesa iha 2016, neduni ami mai konsulta Xefi Governu konaba tema konferensia nee, nune mos ho finansiamentu, hodi ami bele prepara ona komunika ho Governante sira seluk hodi hahu serbisu,” hateten Benjamin, ba Jornalista sira, hafoin remata enkontru ho Xefi Governu, iha Palasiu Governu, Kinta (09/07/2015).

Sira kontinua husu ba Xefi Governu hodi determina data neebe halao konfrensia, tamba tinan nee iha 2016, tuir sira nia hanoin halao konferensia nee tenki antes Jullu 2016, se liu ida nee CPLP entrega fali ona ba nasaun seluk maka lidera, tamba nee sira hakarak konfrensia nee tenki halao sedu.

Entertantu Primeiru Ministru Rui Maria de Araujo konkorda ho sira nia proposta nee, tamba nee Xefi Governu mos dehan ona realiza konfrensia nee antes de Jullu. Xefi Governu mos prontu apoiu finanseiru ba konferensia internasional lingua portugesa, maibe ninia montante finanseiru nee sei dauk fo sai ba publiku. Informasaun kompletu iha STL jornal no STL Web, edisaun Sesta (10/7/2015). Joao Anibal

Suara Timor Lorosae