Jerente
Programa Hakbi’it Ekonomia Feto Fundasaun Alola, Jose Sabino Ximenes, hateten
tinan 2016 ne’e governu Amerika liu husi nia parseirus The Asia Foundation
apoia $60 mil hodi hasa’e kapasidade grupos feto iha munisipios.
Nia
dehan, obstacle bo’ot ne’ebe grupo feto sira hasoru durante ne’e mak kualidade
produtus, tanba ne’e formasaun ne’ebe hala’o foka ba iha hasa’e kualidade
produtus no estandarte folin liga ba produtus.
“Hadia
sira nia kualidade, tanba kualidade sei sai dezafiu bo’ot ba grupos atu asesu
ba merkadu,” Jerente Ximenes hateten, iha servisu fatin Alola, Dili.
Nia
hatutan, total grupos feto ne’ebe agora dadaun sira fo formasaun no akompanha
hela hamutuk 32 grupos iha 12 munisipios inklui regiaun especial
Oe-Cusse.
Apoiu
ida ne’e, nia dehan, la’os deit ba kapasitasaun maibe mos organiza feira kada
tinan hodi fo oportunidade ba grupo sira fa’an sira nia produtu.
Iha
parte seluk, reprezentante embaixadora Estadus Unidus da Amerika (EUA) iha
Timor-Leste, Katherine Dueholm, apresia ho servisu fundasaun alola nian hodi
hasa’e kapasidade feto sira nian no promove kultura Timor nian liu husi
produtus ne’ebe feto sira produs.
“Fundasaun
Alola servisu diak los, tanba sira promove ona kultura Timor nian ho ajuda feto
sira manan moris hodi apoiu sira nia oan no familia,” Dueholm apresia.
Nia
hatutan, embaixada Amerika iha Timor –Leste apoiu programa oioin hanesan
agrikultura avansa hodi hasa’e ekonomia povu Timor nian liu –liu feto
sira.
Nia
hateten, iha future governu Amerika nafatin fo apoiu finanseirus no tekniku ba
iha governu Timor –Leste hodi hasa’e produsaun agrikultura no fo oportunidade
ba grupo agrikultura sira asesu ba merkadu.
Iha
fatin hanesan, reprezentante the Asia Foundation Timor –Leste, Susan Marx,
sente kontente servisu hamutuk ho organizasaun feto sira ba programa
empoderamentu feto.
“Apoiu
ida ne’e halai liu ba iha formasaun ba grupos feto hodi hasa’e kualidade
produsaun,” Marx hateten.
Nia
esperansa, ho program sira ne’e bele kontribui ba kombate violensia domestika
iha familia no sosiedade Timor –Leste.
The
Dili Weekly
Sem comentários:
Enviar um comentário