Parlamentu
Nasionál Timor-Leste iha semana ne’e aprova ona ho unanimidade rezolusaun ida
hodi apoia António Guterres ninia kandidatura ba kargu sekretáriu jerál
Organizasaun Nasoens Unidas (ONU) nian.
"António
Guterres nu’udar detentór ne’ebé iha esperiénsia barak ba iha planu
internasionál, ne’ebé kombina ho ninia karate umanista, integridade no
kapasidade diplimátika ne’ebé bot, hodi sai nu’udar kandidatu ida ho kualidade
bot atu okupa kargu sekertáriu jerál Nasoens Unidas nian”, tuir rezolusaun fó
sai.
"Ho nune’e maka Parlamentu Nasionál fó ninia apoiu nomós hato’o votu ho susesu bot ba António Guterres ninia kandidatura, iha kargu sekretáriu jerál Nasoens Unidas nian", hatutan tan testu refere.
Rezolusaun ne’e fó sai kona-ba “kareira polítika ba serbisu públiku ne’ebé kleur” hosi eis-primeiru ministru portugés nomós eis-altu komisáriu Nasoens Unidas ba Refujiadu sira, liu hosi “defende maka’as valór no prinsípiu universal direitu umanu”.
Parlamentu Timór subliña liu tan katak António Guterres, iha kargu rua ne’e, “defende no promove ona determinasaun ba prinsípiu nomós valór hirak ne’ebé importante ba dame, solidariedade no dezenvolvimentu sustentável Umanidade nian”.
"Durante ninia mandatu hanesan primeiru ministru Portugal, António Guterres halo ona esforsu diplomátika hodi tau kestaun autodeterminasaun Timor-Leste nian ba iha planu internasionál”, lee oha rezolusaun.
Buat ida ne’ebé ajuda “tebes hodi hala’o referendu iha fulan agostu-1999, no ikus mai povu Timór hetan libertasaun no restaura independénsia, no depois hetan intervensaun hosi Nasoens Unidas, maka hakotu ona violénsia hodi hala’o referendu no fó sai ninia rezultadu”, tuir rezolusaun haktuir.
SAPO TL ho Lusa
"Ho nune’e maka Parlamentu Nasionál fó ninia apoiu nomós hato’o votu ho susesu bot ba António Guterres ninia kandidatura, iha kargu sekretáriu jerál Nasoens Unidas nian", hatutan tan testu refere.
Rezolusaun ne’e fó sai kona-ba “kareira polítika ba serbisu públiku ne’ebé kleur” hosi eis-primeiru ministru portugés nomós eis-altu komisáriu Nasoens Unidas ba Refujiadu sira, liu hosi “defende maka’as valór no prinsípiu universal direitu umanu”.
Parlamentu Timór subliña liu tan katak António Guterres, iha kargu rua ne’e, “defende no promove ona determinasaun ba prinsípiu nomós valór hirak ne’ebé importante ba dame, solidariedade no dezenvolvimentu sustentável Umanidade nian”.
"Durante ninia mandatu hanesan primeiru ministru Portugal, António Guterres halo ona esforsu diplomátika hodi tau kestaun autodeterminasaun Timor-Leste nian ba iha planu internasionál”, lee oha rezolusaun.
Buat ida ne’ebé ajuda “tebes hodi hala’o referendu iha fulan agostu-1999, no ikus mai povu Timór hetan libertasaun no restaura independénsia, no depois hetan intervensaun hosi Nasoens Unidas, maka hakotu ona violénsia hodi hala’o referendu no fó sai ninia rezultadu”, tuir rezolusaun haktuir.
SAPO TL ho Lusa
Sem comentários:
Enviar um comentário