Organizasaun
la'ós governamental timoroan nian La'o Hamutuk konsidera katak Governu tenki
serbisu ho "planeamentu di'ak, lideransa no regulasaun" hodi garanti
efeitu pozitivu sira hosi investimentu estranjeiru iha nasaun no hamenus
potensial impaktu negativu sira.
"Investimentu
privadu sira hanesan dalan ida la'ós destinu ida", subliña hosi ONG iha
dokumentu ida hosi análize ba polítika atuál sira hosi estímulu ba investimentu
privadu iha Timor-Leste.
Iha
kauza maka reforma sira ne'ebé Governu hala'o daudaun iha kuadru lejislativu
ne'ebé regula investimentu iha Timor-Leste ne'ebé buka, aleinde aspetu sira
seluk, kumpri kritériu sira hosi Asosiasaun Nasaun sira hosi Sudeste Aziátiku
(ASEAN) no hosi Konvensaun hosi Komérsiu no Dezenvolvimentu ONU nian (UNCTAD).
La'o
Hamutuk, ne'ebé aprezenta ona sujestaun sira kona-bá reforma sira ba Governu,
subliña katak polítika ruma iha área ne'e tenki deskreve oinsá maka
"investimentu privadu bele promove dezenvolvimentu ema nian iha
Timor-Leste la'ós asumi de'it katak ne'e sei akontese automatikamente".
"Polítika
tenki analiza potensial impaktu negativu sira ne'ebé bele evita", refere
no hatutan katak iha nasaun barak iha dezenvolvimentu projetu sira investimentu
nian, liuliu iha indústria estrativu sira ka ne'ebé uza rekursu natural sira,
"hamosu estraga ba populasaun sira, estraga ambiente, aumenta korupsaun no
hasai rai hosi sidadaun sira".
Organizasaun
lamenta ona katak proposta hosi lei ne'ebé refere de'it ba potensiál hosi
agrkultura orientadu ba esportasaun, konsidera katak tenki promove agrikultura
biolójiku no produsaun ba konsumu doméstiku.
Hatete
katak manufatura no turizmu hanesan área sira seluk ne'ebé tenki kontempla hodi
hamenus dependénsia esterna ba nasaun.
Análize
La'o Hamutuk konsidera mós katak Timor-Leste la presiza mós adopta kritériu
sira investimentu nian hosi ASEAN antes sai membru hosi organizasaun, tenki
husik fatin ba negosiasaun sira espesífiku liu ba nasaun.
ONG
konsidera "lalais tebes" onjetivu hosi Governu atu iha lei foun sira
hodi hala'o antes fulan-Setembru, konsidera katak iha lei sira seluk ne'ebé
importante tebes, liuliu reforma tributáriu no lei rai ho propriedade sira
nian.
"Timor-Leste
presiza hasoru ho nia obstákulu boot sira - rekursu ema sira nian, rai sira,
garanti sira hosi kontratu no infraestrutura sustentável sira no adekuadu sira.
Tentativa sira iha pasadu hatudu katak ko'a impostu sira ka simplifika rejistu
hosi empreza sira la sufisiente hodi dada investidór sira", refere estudu.
Tenki
hanoin mós preokupasaun sira seluk, liuliu, impaktu iha korupsaun iha nasaun.
SAPO
TL ho Lusa - Foto fó hosi autor, António Casais, ba SAPO Timor-Leste
Sem comentários:
Enviar um comentário