LU-OLO LAMENTA POPULASAUN NIA VIDA EKONOMIA HAKDASAK

Prezidente partidu Fretilin Francisco Guterres ‘Lu Olo’,  lamenta wainhira halo aktividade partidu ba Munisipiu haree populasaun nia vida ekonomia susar nafatin  maske Governu gasta ona osan barak.

“Ita gasta ona osan besik biloens $10 ona, hodi fakar ba ita nia rai ida ne’e, ita haree ba populasaun nia vida iha ekonomia  susar, mukit no rendimentu hakdasak nafatin, ita haree populasaun barak liu kuaze ninia sosio ekonomiku la diak nafatin,” dehan prezidente Partidu Fretilin Francisco Guterres ‘Lu-Olo’ ba Jornalista  iha CCD, Sesta (26/8).

Tuir ninia observasaun wainhira hala’o aktividade partidu haree kondisaun ekonomia populasaun nia ekonomia araska tebes, haree koalia diretamente ho komunidade sira iha munisipiu haree sira nia vida ekonomia loron-loron sente triste no rasa kasian ba populasaun sira.

Nia mos esplika katak, wainhira iha uma ida ai-han la iha naturalmente, problema familia sempre iha entre inan ho aman sempre, oan sira  historia malu, maibe tenke komprende ho situasaun sira ne’e rasik.

“Tanba ne’e maske Governu gasta ona osan barak maibe ita hare ekonomia populasaun kiak nafatin, entaun ita maka hanesan ne’e deit oinsa maka populasaun maka nia vida iha ekonomia sente diak la hatene los,”tenik nia.Ety

Jornal Nacional