DILI,
(ANTIL) – Primeiru Ministru, Rui Maria de Araújo hato’o ninia parabens ba
povu Timor tomak ba loron konsulta popular nu’udar momentu ne’ebé Timoroan
tomak deside Timor nia futuru ba ukun rasik-án.
”Hodi
sestu governu konstitusionál nia naran hakarak apela ba Timoroan hothotu atu
fiar metin nafatin desizaun ne’ebé ita-hotu foti iha 30 Agostu 1999”, Xefi
Governu hatete iha Ministériu Negósiu Estranjeiru no Koperasaun (MNEK),
Segunda, (29/8).
Relasiona
ho komemorasun ne’e, nia dezeja hodi governu nia naran hato’o parabéns ba povu
tomak.
Nia
hatutan, ukun rasik-án hetan dezafiu no difikuldade, nune’e nia apela ba
sidadaun hothotu nu’udar povu no nasaun, liu-hosi Prezidente Repúblika,
Prezidente Parlamentu Nasionál nomós governu hodi dudu dezenvolvimentu ba oin.
Ne’e
duni, dala ida tan nia hato’o parabéns ba povu tomak no hatete katak “a luta
continua!”.
Rezultadu
referendu ne’ebé fó sai iha loron 6 fulan-Setembru 1999 hosi Organizasaun
Nasoens Unidas hatudu, sira ne’ebé vota ba autonomia ho pursentu 21.50
hosi númeru votante 94.388.
Vota
ba ukun rasik-án ho votante 344.580 ho pursentu 78.50 mak hakarak
independénsia. Totál votu 438.968 ho pursentu 100. Nune’e mos, votante
ne’ebé tuir votasaun hamutuk 438.968 hosi totál votante 451.792. (jornalista:
Rafy Belo; editora: Rita Almeida)
Foto
iha ANTIL
Sem comentários:
Enviar um comentário