Liafuan
Mate liafuan ida Todan. Tanba koalia konaba mate, ita hotu sei mate iha loron
ida. Katak husik moris husi mundu realidade ida ne’e ba fali mundu abstratu.
Ou
tuir ita sarani Katólika nia fiar karik, husik moris iha mundu ne’e fila fali
Ba Aman Maromak nia Kadunan Santo.
Dala
barak ita sempre uza ai-knanoik oi-oin hodi esplika konaba mate. No balun fali
dehan mate ne’e hanesan naok ten ida. Nia atu mai kalan ga loron, ita lahatene.
Mate laharee ba nia boot ga ki’ik, laharee ba nia idade, laharee ba nia rasa,
laharee nia estatutu laharee mós ba nia riku ga kiak.
No
mate laiha informasaun uluk ba ita. Ne’ebé mate ne’e dalan ida ne’ebé mak ema
ida labele hases-an no labele satan netik. Nia mai derepenti lakon no nonok.
Maske
difisil ema atu simu realidade konaba mate ne’e, satan ema ida ne’ebé mak ita
hadomi tebes, tantu ita nia, aman ga, inan ga, maun ga ita nia oan ida ne’ebé
ita hadomi liu no nia hadomi ita.
Mate
husik hela memoria ida ne’ebé hakesi metin ho ema nia naran ou fitar balun
durante iha nia moris halo nu’udar memoria ida atu ema seluk bele haree, sente
no rona nune’e susar ba ema seluk atu haluha. Tau aas hanesan mensajen ida atu
ita bele habelar no hatutan ba malu.
Hanesan
ita nia lider, ita nia heroi foin sa’e saudozu Fernando ‘La Sama de Araújo, ne’ebé molok
atu taka ninia pájina peregrina iha mundu ida ne’e, sempre hanorin no fó
mensajen ba juventudi sira no ba povu Timor Leste (TL).
“Doutrina
husi Fernando ‘La Sama ’
de Araújo ne’ebé nu’udar lider polítika ne’ebé involve iha prosesu
dezenvolvimentu ida ne’e hanorin ami atu ‘Tau Aas Liu Interese Nasaun Nian Duke
Interese Pesoal’, hateten Prezidenti Interinu Partidu Demokrátiku
(PD) no aktual Primeiru Vise Prezidenti Parlamentu Nasionál (PN) Adriano do
Nascimento ho matan ben ba Jornalista sira, iha sede nasionál PD, Colmera Dili,
Kuarta (3/6).
Adriano
do Nascimento esplika katak, saudozu Fernando ‘La Sama ’ de Araújo, fila-fila
hasai lia fuan ne’ebé hanesan ba nia kuadrus, militantes, simpatizantes no povu
tomak katak, “ita nu’udar joven ita tenki kontribui hodi dezenvolve rai ida
ne’e”.
No
ba ninia pesoal rasik (Adriano do Nascimento, red) no Sekretáriu Jeral partidu
PD nian husik hela nia mensajen ida hodi lembra nafatin maka “Dignidade Ha’u
Nian La Aas Liu
Dignidade Nasaun Nian”, katak, tau importánsia ba dezenvolvimentu povu no
nasaun ba moris povu no nasaun nian.
Adriano
do Nascimento haktuir tan katak, saudozu Lasama alénde nu’udar lider, nia mós
nu’udar edukadór ba foinsa’e sira.
“La Sama sempre hanorin ami atu
hadomi malu atu hakbesik no mós atu hatene polítiku husi nia-an rasik katak
povu agrikultura ida nia oan ne’ebé halo polítika refleta oinsa atu lori nia
moris transforma ba vida ne’ebé di’ak liu”, Prezidenti Interinu PD ne’e dala
ida tan esplika ho matan ben.
Adriano
do Nascimento fundamenta katak, saudozu La Sama mós sempre hanorin katak, tenki unidade,
tenki humilde, maske nia kaer prinsípiu metin ho matenek no mós doutrina seluk
ne’ebé nia tenki hanorin ba sira katak, liu-liu tau esperansa ba joven sira.
“Tanba
ne’e mak nia molok atu hakotu nia iis ami lori husi Hospital Referal Suai mai Aeroportu Suai
nian ikus liu ona nia bele koalia iha kareta laran hodi hato’o mensajen katak,”
hatete ba joven sira tenki servisu hamutuk tanba nasaun ne’e presiza juventudi
sira nia kontribuisaun. Lasama hateten lia fuan ne’e sai hanesan lia fuan ikus,
tanba nia koalia hotu nia labele koalia ona to’o nia iis kotu hodi husik ita
hotu”, dala ida tan Adriano do Nascimento haktuir ho matan ben.
Mensajen
badak no kualidade, hafanun jovens no povu TL tomak, atu ho honestidade, ho
espíritu patriotism no nasionalismu atu dezenvolve rai ida ne’e sai nasaun ida
ne’ebé morin no susesu iha mundu internasionál. Adeus maun La Sama , descança em paz.tos
Jornal
Nacional
Sem comentários:
Enviar um comentário