Baciro Djá hatete katak sei husu atu tun hosi kargu PM Giné-Bisau nian

Primeiru-ministru Giné-Bisau nian, Baciro Djá, ne’ebé hatudu hosi Prezidente nasaun nian, José Mário Vaz, horisehik hatete katak nia aseita desizaun Supremu Tribunál Justisa nian ne’ebé konsidera nia nomeasaun inkonstitusionál.

Iha deklarasaun badak ba imprensa bainhira sai hosi sorumutu ho xefe Estadu gineense, ne’ebé informa ba nia kona-ba desizaun Supremu Tribunál Justisa nian, Baciro Djá katak nia sei ba iha Palásiu Governu atu hakerek  karta hodi husu demisaun.

Baciro Djá afirma katak nia sei "foti nia konkluzaun polítika" ba desizaun Supremu Tribunál Justisa nian no nia aseita desizaun ne’ebé xefe Estadu sei foti.

Horisehik STJ konsidera inkonstitusionál iha forma no matéria dekretu Prezidente gineense nian ne’ebé hili Baciro Djá hanesan primeiru-ministru tanba la respeita norma konstitusionál ne’ebé obriga xefe Estadu atu hatudu xefe ezekutivu liuhosi rezultadu eleitorál.

SAPO TL ho Lusa