Edifisiu
Ministériu Finansa foun iha Aitarak laran, to’o oras ne’e seidauk bele utiliza,
tanba fasilidades atu halo servisu seidauk iha.
Vice
Ministru Finansas, Helder Lopez informa katak, kona-ba projetu interior fit man
ne’e, konsellu ministrus deside ona kompañia internasional ida, no porjetu data
center ne’e, agora iha hela prosesu aprovizionamentu.
“Edifisiu
foun Ministériu Finansas nian hamrik ona, maibé ita seidauk muda ba, tanba ita
atu ba servisu iha ne’eba ne’e, persija kondisaun,”dehan Helder Lopez ba
jornalista sira iha nia kna’ar fatin, Sesta (07/9).
Helder
haktuir, dadauk ne’e, iha projetu rua ne’ebé mak la’o ona, hodi kompleta
kondisaun atu ministériu finansas bele muda ba iha ne’eba.
“Projetu
ida mak ita bolu, interior fit man, ida ne’e atu tau mobiliarius ka fatin sira
ema tu’ur hodi halo servisu, depois projetu ida mak ita bolu data center. Data
center ne’e, kona-ba atu tau komputador no server,”informa Helder.
Nia
akresenta, dadauk ne’e, ministériu finansas haka’as an hela hodi bele muda lalais
ba ministériu foun finansas nian ne’e, hodi bele utiliza lalais.
“Tanba
ita lakoi osan povu nian, ita gasta tiha ba ne’eba, depois sasan ne’e ita la
uja, ami mós iha konsensia ba ida ne’e,”katak Helder Lopez.
Nia
haktuir, nia labele fó prazu katak, bainhira los mak ministériu finansas bele
muda ba iha ne’eba, tanba projetu rua ne’e se la’o hela.
Nia
afirma, bainhira projetu rua ne’e la’o diak, iha tempu badak ministériu
finansas bele muda lalais ba ministériu foun.
Alende
ne’e, Helder dehan, nia labele mensiona orsamentu ba tederizasaun ne’e, tanba
prosesu ne’e se la’o hela.cos
Jornal
Nacional
Sem comentários:
Enviar um comentário