PROGRAMA PNDS IHA SUKU MOTAEL REHABILITA VALETA NO FATIN LIXU

Suku Motael, Postu Administrativa Vera Cruz, Munisípiu Dili, iha tinan ne’e Programa Nasional Dezenvolvimentu Suku (PNDS) hodi halo rehabilitasaun valeta no halo fatin lixu ho nia total orsamentu $ 34 mil.

“Ami nia suku Motael foin primeira vez Programa Nasional Dezenvolvimentu Suku (PNDS) tama iha ami nian no sei halo rehabilitasaun valeta no halo fatin lixu ho nia total orsamentu montante $ 34 mil”, hateten   Xefi suku Motael Cornelio de Araújo ba JN-Diário iha sede suku Motael Segunda, (7/9).

Nia dehan, fatin lixu ne’ebé mak sei halo ne’e ho nia medidas luan 80, no nia naruk 50 atu ne’e komunidade sira bele tau foer hodi hadok sira husi moras.

Chefe suku ne’e informa, halo valeta ne’e laos atu halo konstrusaun foun, maibe sei hala’o tuir ida ne’ebe mak halo tiha ona hodi halo rehabilitasaun de’it.

Xefe suku Motael Cornelio de Araujo, kompara ho programa PNDS sira ne’ebe mak tama iha suku sira iha foho ka munisipiu sira seluk balun tama dalaruak ona ,maibe PNDS tama iha sira nia suku foin Dahuluk.

Maibe xefe suku rona husi ekipa PNDS ne’e tamba ho razaun wanhira PNDS tama iha sukus sira mak hala’o dahuluk la susesu programa ne’e sei latama tan, tamba laiha kontribuisaun komunidade husi suku.Nune’e hein sukus sira hala’o didiak mak foin fila fali iha suku ida ne’ebe mak failha ne’e.

Xefe suku Motael ne’e esplika katak, suku Motael ho nia aldeia 5 hanesan aldeia Lirio, Halibur, Bura, Bedalan,no Boa morena ho nia total populasaun 5081 no mos totalidade xefe familia hamutuk 998.tos

Jornal Nacional