IGREJA KESTIONA PRATIKA KONDOM, CNC HIV/SIDA “NEGA” KOALIA KONDOM

Igreja Katolika tau preokupasuan maka’as ba aktu sosializasaun Comssão Nacional Combate (CNC) HIV/SIDA ne’ebe sempre apela ba ema hotu halo relasaun seksual tenke uza kondom para hadok an husi HIV/SIDA.

Hafoin Bispo Diocese Maliana, Mgr. Norberto Amaral, alerta katak, sosializasaun uza kondom ne’e kontra Maromak nia ukun fuan no hanesna mos meus ida eduka ema livre halo relasaun seksual.

Rona tiha lia hirak ne’e, Sekretariu Exekutivu Komisaun Nasional Kombate HIV/SIDA, Daniel Marçal, loke ibun hodi halo esklaresimentu “nega” katak, durante ne’e CNC HIV/SIDA la koalia kona kondom maibe koalia liu kona-ba kontgrola an ho filosofia ABC.

Abstinensia (A) seginfika jejun katak, ema ne’ebe seidauk kaben la bele halo relasaun seksual, B katak ba ema ne’ebe iha ona uma kain (fen-laen) la bele halo relasaun ho ema seluk no C konalia kona ba kondom. Maibe, Daniel Marcal sublinha katak, Estadu ho CNC HIV-SIDA la koalia kona ba kondom maibe kontrola an.

Liu husi konferensia imperensa iha nia servisu fatin, Tersa (8/9/2015), Daniel Marcal klarifika katak, kondom sei koalia deit ba grupu balun ou fatin balun deit, la’os atu publika sai ba ema hotu rona katak kondom ne’e hanesan uniku dalan atu prevene HIV-SIDA tanba kondom laos atu hasae ema nia konsiensia maibe atu hakalma deit nafsu iha minutu balun nia laran deit.

Komisaun iha papel mak uniforma informasaun hotu kona ba HIV-SIDA ne’ebe servisu hamutuk ho entidades hotu hodi kontinua fahe informasaun edukativu ho nune bele hasae ema nia konsiensia hodi prevene HIV-SIDA.

Oportunidade ne’e, Daniel Marcal husu ba joven ne’ebe sei namora malu hela ket-hakat lai hodi la bele hakat liu linha mean.

Nia husu ba ba kaben nain sira atu kontrola an hodi halo prevensaun para moras oi-oin la bele daet ba isin lolon ner’ebe bele afeta mos ba oan ho fen sira iha uma.

CNC HIV/SIDA husu ba parseiru ou NGO ne’ebe maka halao ona servisu iha parte komisaun kombate HIV-SIDA atu dada fali iklan, pamfletu balun ne’ebe koalia kona ba kondom tanba tenki tau liafuan hirak ne’e iha idak idak nia fatin ho nune sosiedade sira la bele interpreta sala. ita

Jornal Nacional