Prezidente
eleitu EUA nian, Donald Trump, garanti ona iha loron-kuarta ne'e katak Estadus
Unidus sei "fó di'ak malu ho Nasaun sira ne'ebé hakarak fó di'ak
malu" ho Washington.
Iha
nia diskursu vitória nian, iha sede kampaña nian, iha Nova Iorke, Trump promete
ona katak Estadus Unidus sei "aumenta kresimentu no sei iha ekonomia
ne'ebé maka'as liu iha mundu".
"Maibé
iha tempu hanesan ita sei fó di'ak malu ho nasaun sira seluk ne'ebé hakarak iha
relasaun di'ak ho ita", afirma ona hosi kandidatu ne'ebé manán eleisaun
prezidensial sira norte-amerikanu nian.
Nia
deklara katak "laiha mehi ida maka boot liu" ba EUA no katak
"Amérika sei senti haksolok ho buat ida duké ida ne'ebé di'ak liu",
Trump husik ona lia-menon ida ba komunidade internasional.
"Maski
ita tau dahuluk EUA nia interese sira, ita sei lida ho justisa ho buat hotu,
povu hotu-hotu no nasaun sira. Ita sei buka pontu hanesan sira no la'ós
hostilidade, parseria no la'ós konflitu".
Prezidente
eleitu EUA nian, Donald Trump, afirma iha loron-kuarta ne'e katak sei sai
hanesan Prezidente hosi ema amerikanu tomak no hatete katak hanesan tempu atu
ema norte-amerikanu sira kura kanek sira haketak malu nian no hamutuk
"nu'udar povu unidu ida".
SAPO
TL ho Lusa
Sem comentários:
Enviar um comentário