Tribunal
Supremu Filipina nian autoriza ona iha loron-tersa ne'e hodi hakohi eis-Prezidente
Ferdinand Marcos nian iha Rate Herói sira nian, iha Manila, maski iha petisaun
sira hosi família sira hosi vítima sira rejimi ditador ne'ebé lakohi atu asaun
ne'e akontese.
Majistradu
sira hosi Supremu rejeita ona ho votu sia aprova no votu lima kontra petisaun
oioin hasoru trasladasaun hosi Ferdinand Marcos nia mate-isin, ne'ebé mate iha
tinan 1989 liutiha tinan tolu hafoin revolta popular hatún nia hosi poder, ba
rate ne'e.
Rodrigo
Duterte, atual prezidente filipinu nian, fó sai ona iha fulan-Agostu atu muda
ditador nia mate-isin ba Rate Herói sira nian maibé prosesu ne'e hetan suspensu
tanba petisaun sira ne'ebé tama iha Supremu.
Juís
sira argumenta ona katak Marcos uluk nu'udar Prezidente no xefe hosi Forsa
Armada sira ne'ebé kondekoradu ho distinsaun aas liu hosi nasaun.
Iha
fatin seluk, sira konsidera ona katak nia hakohi iha Rate Herói sira nian la
relasionadu ho rekoñesimentu hosi abuzu sira ne'ebé nia halo durante nia rejimi
(1965-1986) no la kontraria ho Konstituisaun tinan 1987.
Ferdinand
Marcos, ne'ebé halo lei marsial iha Filipina entre tinan 1972 no 1983, hetan
akuzasaun ba mate, tortura no detensaun ilegal hosi ema filipinu rihun resin.
Sai
mós hanesan suspeitu ba hetan osan ilegal ho folin biliaun lima no sanulu,
haktuir hosi kalkula sira ne'ebé halo hosi organizasaun la'ós governu nian
Transparénsia Internasional.
Ditador
mate iha ezíliu iha Hawai, Estadus Unidus.
SAPO
TL ho Lusa
Sem comentários:
Enviar um comentário