Dili,
(ANTIL) – Administrador Postu Administrativu Lospalos, Tadiu Lopes ba ANTIL iha
Sede Suku Bauro, munisipiu Lautem, hafoin apuramentu elisaun suku, Sabadu,
(30/10) hateten, prosesu eleisaun suku hetan susesu tanba prezidente meza sira
iha responsabilidade no ezerse sira-nia funsaun ho di’ak.
Postu
Administrativu Lospalos iha Suku 10, Aldeia 52 ho nia totál eleitór
hamutuk ema rihun 18.
“Alin
sira ne’ebé ami koloka atu prezide meza asembleia no preside meja eleitór
suku, hetan susesu tanba rezultadu pozitivu no implementa tuir lei
eleisaun suku” Xefe Postu dehan.
Nu’udar Administrador
Postu Administrativu, nia hatutan, tenke ba suku hotu-hotu hodi fó informasaun
no agradese ba servisu. Maske buat foun, sira organiza eleisaun ne’e ho didi’ak
no hetan susesu.
Koan-ba
problema durante eleisaun, nia informa, iha lamentasaun no dezentendimentu iha
Suku Rasa, ne’ebé juventude sira halo problema. Maibé rezolve kedas husi
autoridade polisiá.
Iha
Suku Home no Aldeia Lilapuhu balun la komprende kona-ba ata eleitór sira.
Entertantu iha Suku Lorehe Segundu, mosu problema oituan kona-ba Sentru
Votasaun hanesan uza edifísiu públiku, maibé normalmente eleisaun ne’e bele
halo iha edifisiu públiku.
Husu
kona-ba problema tinta, Administratór Postu Administrativu ne’e dehan,
“Normalmente eleisaun tenke iha tinta hodi fó sinál katak ema ida-ne’e
tuir ona eleisaun. Maibe balun dehan, la uza tinta mós di’ak hela, tanba
kunese malu hela. Kartaun ba resensiamentu unidade jeografika, hateten,
“Ita-boot vota iha ne’e no labele ba vota fali iha fatin seluk,~ nia dehan tan.
Ba
elesaun segundu ronde, sei halo iha suku Suku Muapitine, Luro, Bauro no
Lorehe. Entertantu suku ne’ebé mak la iha segundu ronde mak suku Fuiloro,
Kakavei no Leuro.
Tadiu
Lopes husu ba komunidade sira husi Postu Administrativu Lospalos, tantu iha Kapitál
Dili no iha fatin seluk, atu esforsu án hodi tuir eleisaun suku iha ronde
daruak iha loron 13 Novembru 2016. (Jornalista:Zezito Silva/Editór: Otelio
Ote)
Sem comentários:
Enviar um comentário