DILI,
(ANTIL) - Osan husi reseita tasi Timór ne’ebé tama iha fundu durante
trimestre ikus Jullu to’o Setembru 2016, hamutuk milliaun US$ 35,58, Diretór
Ezekutivu Jestaun Fundu Petróleo, Banku Sentrál Timor-Leste, Venancio Alves
Maria informa iha Banku Sentrál, Sesta (4/11/2016).
Totál
reseita ne’ebé simu trimestre ne’e, kompostu husi kontribuisaun kontribuente
sira ba Fundu hamutuk millaun US$ 16,20 no pagamentu ba royalty simu
husi Autoridade Nasionál Petróleo no Minerál (ANPM) millaun millaun US$
19,38.
Komparasaun
tinan lima ba kotuk, normalmente Timor-Leste simu kada fulan pelu menus millaun
US $ 100 até millaun US $ 200. Maibé daudaun ne’e, trimestre ida
mak foin simu de’it millaun US $ 35,58. “Ne’e hatudu produsaun komesa tun
daudaun ona”, Venancio dehan.
Osan
ne’ebé sai durante trimestre ikus, hamutuk millaun US$ 209,03 kompostu husi
millaun US$ 204,80 ba tranferénsia Orsamentu Estadu no millaun US$ 4,23 ba
kustu jestaun.
Venancio
relata, reseita líkidu durante trimestre ne’e hamutuk millaun US $169,22 no
retornu portfóliu porsentu 1,89 kompara ho referénsia porsentu 1,89.
“Iha
trimestre ida ne’e depois desizaun mai husi Ministériu Finansas atu Banku
Sentrál haluan tan nia operasaun kobre mós mandatu interna jestaun ekidade
nian entaun iha inísiu fulan-Jullu Banku Sentrál implementa mandatu asaun
interna ba merkadu Austrália ho susesu, ita iha sistema, rekursu ne’ebé mak
adekuadu implementa ida ne’e”. Venancio hatete.
Antes
halo implementasaun, iha rekerimentu ida atu halo revizaun independente mai
husi konsultóriu internasionál ne’ebé nomeia husi Ministériu Finansas.
Kapitál
Fundu Petróleo iha trimestre daikus mak billaun US$ 16,60 kompara ho billaun
US$ 16,47 iha ikus trimestre dahuluk. (Jornalista : Maria
Auxiliadora/Editór: Otelio Ote)
Sem comentários:
Enviar um comentário