BAUCAU: Membru
veteranus na'in rua, Cornelio Gamma (L-7) no Andre da Costa Belo (L-4), Kinta
(03/11), maizumenus tuku 11.30 OTL, hetan asidente trafiku iha parte Buruma,
Munisípiu Baucau, bainhira la'o hela viajen hosi Laga ba Dili.
“Ami
sai hosi Laga maizumenus tuku 11.00. Sa’e neneik mai Baucau. Ami to’o iha kurva
ne'e (parte Buruma), karreta nia manu kelen tohar. Ha'u haruka kondutór soke
karreta ba Nuu hun rua iha parte foho hun,” dehan L-7 ba olatimornews.com iha
fatin akoñtesementu.
Tuir
membru veteranus ne'e, sei nia la haruka kondutór atu soke karreta ba Nuu hun
karik, karreta bele tuun ba rai naruk. “Tanba ne'e, ami na'in rua la kanek. Se
karreta monu iha rai naruk karik, ami nia vida, ami lahatene,” nia dehan.
Hosi
akoñtesementu ne'e, karreta marka Toyota Prado ho númeru matrikula 25.529 TL
hetan estraga iha parte oin karuk.
Observasaun
iha fatin akoñtesementu hatudu katak, Nuu hun ida tohar kedas depois hetan
soke.
Olá Timor –Alexandre Assis - Reportajen: Masi (Kontributór)
Foto:
Karreta Toyota Prado ho númeru matrikula 25.529 TL, Kinta (03/11) hetan
asidente iha Buruma, Munisípiu Baucau. Karreta ne'e tula veteranus L-7 ho L4.
(Olatimornews Foto/kontributór)
Sem comentários:
Enviar um comentário