CPLP
hatudu interese maka'as iha komérsiu internasional no inisiativu rejional sira
komérsiu nian bele hamosu benefísiu sira ba nasaun sira hosi bloku ne'e tanba
akordu global sira lori benefísiu maka'as, hatete hosi diretór-jeral hosi OMC
nian.
"Ha'u
haree katak Komunidade hosi Nasaun sira Lian Portugeza (CPLP) nian hatudu
interese maka'as iha tema komersial sira no nune'e hanesan pozitivu",
hatete hosi Roberto Azevêdo, iha entrevista ba Lusa liuhosi e-mail.
Ba
diretór-jeral hosi Organizasaun Mundial Komérsiu nian (OMC) "komérsiu
internasional iha kapasidade estraordináriu ida hodi hamosu oportunidade sira
iha parte oioin iha mundu, hodi tulun iha kombate ba kiak no iha promosaun
dezenvolvimentu nian. Inisiativu komersial sira ho karater rejional mós bele
tulun hodi promove benefísiu sira ne'e".
"Maibé
hanesan importante hanoin katak akordu global sira lori benefísiu maka'as - no
nune'e lori foku ba negosiasaun sira ne'ebé hala'o iha OMC", nia avalia.
Roberto
Azevêdo - enjeñeiru elétriku no diplomata brazileiru ho esperiénsia maka'as iha
área komérsiu internasional nian sai eskollidu iha tinan 2008 nu'udar
reprezentante permanente hosi Brazil iha OMC no iha organizasaun ekonómiku sira
seluk iha Jenebra - eleitu ona iha fulan-Maiu tinan 2013 ba kargu diretór-jeral
hosi ajénsia ONU ne'e nian.
"Foin
lalais ami hetan ona konkista importante sira. Iha tinan 2013, ami negosia
Akordu ba Fasilitasaun Komérsiu nian. Bainhira implementa, akordu ne'e sei
hamosu redusaun ida hosi 14,5% iha médiu iha kustu komersial sira, ne'ebé bele
insentiva esportasaun sira hosi nasaun sira iha dezenvolvimentu ho folin dolar
biliaun 730 tinan-tinan", Azevêdo hatete.
Akordu
ba Fasilitasaun Komérsiu nian, ne'ebé negosia iha Konferénsia Ministerial OMC
nian ba dala IX, iha Bali, Indonézia, iha fulan-Dezembru 2013, halo simples no
lalais etapa sira iha komérsiu sasán entre membru sira, aleinde medida sira
hodi reforsa transparénsia, koperasaun entre autoridade aduaneiru sira no
asisténsia tékniku ba nasaun sira ne'ebé iha dezenvolvimentu.
Akordu
ne'e hala'o de'it hafoin hosi Estadu-membru sira OMC nian balun (ne'ebé hamutuk
nasaun 162) ratifika akordu no, tuir organizasaun, hetan tiha ona 87% hosi
objetivu ne'e.
Brazil,
Portugal (liuhosi Uniaun Europeiu) no Rejiaun Administrativu Espesial Makau
nian (RAEM) ratifika ona akordu ne'e.
"Iha
2015, membru sira hosi OMC desidi ona halakon subsídiu sira ba esportasaun
agríkola nian, apoiu ida ne'ebé muda maka'as komérsiu no prejudika nasaun
kompetitivu sira iha agronegósiu. Rezultadu maka signifikativu tebes, inklui ba
membru sira CPLP nian, no ami hakarak liután. Apoiu hosi nasaun sira CPLP nian
sei hanesan importante tebes hodi garanti konkista foun sira iha OMC", nia
hatete.
Roberto
Azevêdo konsidera mós hanesan pozitivu atu ajenda ekonómiku hosi bloku luzófonu
hetan nafatin importánsia iha tinan hirak ikus ne'e.
Diretór-jeral
hosi OMC hatete katak hetan koñesimentu katak iha Konfederasaun Emprezarial ida
CPLP nian.
Iha
fulan-Marsu 2010, antigu Konsellu Emprezarial hosi CPLP tranforma ona ba
Konfederasaun Emprezarial, ho objetivu atu promove dinamizasaun hosi relasaun
sira entre empreza sira ho reprezentante sira hosi entidade sira iha ámbitu
luzofonia nian.
"Envolvimentu
hosi área privadu hanesan xave hodi aumenta troka komersial sira membru sira
CPLP nian no institusionalizasaun hosi diálogu ho Governu sira bele ajuda
informa ajenda organizasaun nian, hodi bele hamosu tan oportunidade sira
komérsiu no investimentu nian", nia hatutan mós.
Brazil,
maski hanesan nasaun ekonómiku boot liu hosi bloku luzófonu, "iha duni
interese tomak" hodi haklean ajenda ne'e, nia hatete.
"Ha'u
hanoin katak nasaun tomak CPLP nian tenki hetan benefísiu hosi ne'e no,
naturalmente, ema hotu iha knaar importante ida hodi garanti atu potensial ne'e
bele hetan aproveitamentu di'ak", Roberto Azevêdo avalia.
SAPO
TL ho Lusa – Foto: Diretor-jeral hosi Organizasaun Mundial Komérsiu nian (OMC)
iha inglés maka World Trade Organization (WTO), Roberto Azevedo, iha Jenebra,
Suisa, iha loron 27 Setembru 2016. Foto@ Salvatore Di Nolfi/EPA
Sem comentários:
Enviar um comentário