Ministério
Edúcação (ME), desidi tiha ona ezame nasional ba eskola sira hotu
sei hala’o iha loron 19, fulan Outubru, tinan 2016.
“Deside
tiha ona, hahú 19 agora komesa ona ezame nasionais. Iha
difikuldade oituan tanba agora eleisaun atu mai, maibe ha’u
hola nafatin desizaun eleisaun la’o loron tomak, ezame
oras rua deit. Portanto labarik sira nafatin hala’o ezame, depois
mak ba tuir eleisaun,”esplika Ministru Edukasaun, António da Conceição, ba
jornalista iha Palasiu Governu, Tersa (11/10).
António
da Conceição, afirma katak, tinan-tinan sempre hala’o ezame ba estudante kuaje
40 mil.
“Normalmente
ita tinan-tinan ita hasa’e 40 mil. Iha 40 mil ne’e balun
minor oituan ba iha nono ano, maibe desimu segundu nono
aprosimadamente 20 mil,”dehan António da Conceição.
Kona
ba impresaun materia ezame nasional, Ministeriu Edukasaun (ME), fo fiar ba
Kompañia Gráfica Nacional ltd.mak halo impresaun.
Tanba
ne’e atu haree prosesu andamentu ba prosesu impresaun ne’e rasik, Segundu Vise
Minsitru Edukasaun (VME), Abel da Costa Ximenes ‘Larisina’ Segunda (10/10/16)
halo inspesaun ba Gráfica Nacional hodi haree nia progresu ne’e la’o oinsa.
Nune’e
Larisina afirma katak, prosesu impresaun ne’e la’o diak los, tanba ekipamentu
ne’ebé produs mesak diak no garantidu nia konfidensialidade.
Relasiona
ho prosesu impresaun ne’e mos, Prezidente Konsellu Administrasaun Grupo de
Média Nacional, Jorge Serrano, afirma, Gráfica Nacional garante sei termina
pontus ezame nasional tuir kalendariu, tanba dadauk ne’e iha ona faze empakotamentu.avi
Jornal
Nacional
Sem comentários:
Enviar um comentário