Portugál entre nasaun sira ne’ebé di’ak liu ba feto -- ONG

Entre nasaun sira luzófonu nian kolokadu di’ak liu iha segundu maka Timor-Leste, iha pozisaun  66.ª

Portugál hanesan nasaun daualuk  ne’ebé oferese oportunidade di’ak liu ba feto sira, enkuantu Brazil, Giné-Bisau no Mosambiké  okupa iha  pozisaun ne’ebé  preokupante  tebes  iha índise ne’ebé fó sai iha ohin hosi organizasaun laós-governamentál ba defeza labarik nian  Save the Children. 

Iha Índise 'Oportunidades para Raparigas', Portugál okupa kedas iha oin  kompara ho  Suísa, Itália, España, Alemaña, Reinu Unidu, Fransa no to’o tan ba  Estadus Unidus, ne’ebé ekonomia boot liu iha mundu, maibé okupa deit iha pozisaun 32.ª, besik kedas ba  Kazakistaun no Arjélia.

Organizasaun utiliza  indikadór lima hodi elabora índise ne’e: kazamentu infantil, gravidés iha adolessénsia, mortalidade maternal, feto sira iha parlamentu no konkluzaun iha ensinu sekundáriu.

Portugál, nomós  maioria hosi nasaun 144 ne’ebé analiza, aprezenta problema liliu iha  reprezentasaun  feto  iha parlamentu.

Liu  Portugál, okupa  deit  Suésia, Finlándia, Noruega, Holanda, Béljika, Dinamarka no Eslovénia, tuir  orden ne’e.

Entre nasaun sira luzófonu nian, iha lista ne’ebé lainklui  Angola nein Kabuverde, kolokadu di’ak liu iha segundu maka Timor-Leste, iha pozisaun  66.ª.

Brazil, nasaun ne’ebé inklui iha G20, mosu deit iha pozisaun 102.ª, ho  autor estudu destaka katak  trata hanesan "nasaun ida ho rendimentu médius aas, maski nune’e sei monu iha  índise Estadu frájil no kiik liu  rendimentu Haiti nian", ne’ebé okupa  iha pozisaun 105.º.

Menina brazileiru menus oportunidade liliu  reprezentasaun parlamentar, maibé autor sira hosi relatóriu ne’e kestiona moos kona-ba  taxa gravidés ne’ebé aas iha adolesénsia no kazamentu infantil.

Mosambiké hanesan nasaun  luzófonu piór liu iha análiza ne’e, okupa iha pozisaun  130.ª no  aprezenta problema iha area hotu, liliu gravidés iha adolesénsia, kazamentu infantil no konkluzaun iha ensinu sekundáriu.

Giné-Bisau iha  pozisaun liu  Mosambiké, ho problema iha problema hotu ne’ebé  analiza, liliu  reprezentativu parlamentar  no konkluzaun iha ensinu sekundáriu.

Giné-Ekuatorial, ne’ebé hola parte moos iha  Komunidade Nasaun Lia-Portugés (CPLP), aprezenta situasaun ida hanesan, okupa iha pozisaun 119.º.

Nasaun piór liu ba feto sira maka  Níger, Chade, Repúblika Sentru-Afrikana, Mali no Somália, tuir  orden ne’e.

"Fatin piór liu ba feto sira  maka nasaun sira ne’ebé kiak liu iha mundu. Nasaun 20 iha parte inferiór  hosi  índise maka nasaun sira hotu ne’ebé ho rendimentu kiik  iha Áfrika Subsaariana. Nasaun hirak ne’e taxa privasaun aas tebes  iha  indikador hotu ne’ebé  selesionadu", tuir dokumentu ne’e.

Iha  parte seluk, autór  sira hosi estudu ne’e afirma moos katak nein nasaun riku sira hala’o buat hotu ho di’ak.

Maski hetan prejudikasaun liliu reprezentasaun parlamentar, Estadus Unidus moos aprezenta taxa kona-ba  maternidade aas iha adolesénsia no mortalidade materna kompara ho nasaun  riku sira seluk.

A Save the Children alerta katak "feto liu millaun 700 iha  mundu kaben molok ninia aniversáriu 18.º no tersu ida hosi sira molok atinji tinan 15 "  no mortalidade maternal maka sai hanesan  kauza daruak sira ne’ebé mate entre feto ho tinan  15 to’o  19 ( hafoin kazu oho-an), kada tinan ema mate besik 70.000.

Iha alerta kona-ba violénsia jéneru, organizasaun ne’e  informa, hanesan ezemplu, katak " menina millaun 30 hasoru  risku mutilasaun jenital feminina iha dékada oin mai".

Relatóriu ne’e hatudu moos katak nível dezenvolvimentu nasaun ida nian laiha limitasaun, fó ezemplu Ruanda nian(49.ª), ne’ebé "iha  proporsaun aas liu ba deputada sira iha mundu", no hala’o  ho di’ak prevensaun iha kazamentu infantil no gravidés entre adolesente kompara ho nasaun seluk  iha rendimentu kiik.

SAPO TL ho Lusa