DILI,
(ANTIL) – Ministru Estadu Koordenadór Asuntus Sosiais no Ministru
Edukasaun, António da Conceição, informa, prioridade ministériu edukasaun iha
2017 mak sentru impresaun, formasaun ba profesor sira, dezenvolvimentu
kuríkulu, tékniku vokasionál no infrastrutura.
“Problema
iha determinasaun prioridade bainhira mak hahú tanba, sei hein aprovasaun
hosi Parlamentu Nasionál, proposta foin determina ba 2017, iha prioridade
lima hanesan sentru impresaun, formasaun professores, dezenvolvimentu kuríkulu,
tékniku avokasional no infrastruturas”, ministru António ba jornalista sira iha
Palásiu Governu, Tersa, (11/10).
Ministériu
agora dadauk fó prioridade ba 2017 mak atu halo impresaun ho intensaun atu
monta mákina sira ne’ebé iha ona, liu-liu ida iha ona ne’e hanesan mákina
manuál. Sei haruka funsionáriu sira ba formasaun kona-ba operasaun mákina atu
tinan oin sei la-imprime matéria ezame iha empreza sira maibé, bele halo iha
ministériu sira. Governu tenke determina saida mak sai prioridade liu atu
alokasaun ba orsamentu bele orientadu liu-tan.
Kona-ba
ezame nasional, governu deside ona ba ezame nasionál iha fulan ida ne’e
nia laran. “Hetan difikuldade oituan tanba, besik ona eleisaun maibé
governu foti ona desizaun katak eleisaun la’o loron tomak no ezame la’o oras
rua nia laran, hafoin bele tuir eleisaun”, António tenik tan.
Matéria
ezame nasionál, liu-husi prosesu aprovizionamentu no agora imprime ona.
Nia hatutan, kona-ba mákina atu apóia ba prosesu imprime seidauk halo
instalasaun no tékniku operadór seidauk iha preparasaun atu halo operasaun ba
mákina.
Funsionárius
sira mak sei iha halo tanba, tuir António, ezame nasionál buat ida
konfidensiál ba informasaun, atividade no seguransa tenke maka’as, maibé
seidauk iha kondisaun ba buat hirak ne’e. Tinan ida ne’e, liu-husi prosesu aprovizionamentu
sei halo produsaun ba ezame. (jornalista: Julia Chatarina; editora: Rita
Almeida)
Foto:
Ministru Estadu Koordenadór asuntu Sosiais no Ministru Edukasaun, António da
Conceição koa'lia ho jornalista iha Palásiu Governu hafoin reuniaun Konsellu
Ministru, Tersa, (11/10). Foto ANTIL/Julia Chatarina
Sem comentários:
Enviar um comentário