Ministru Interior Husu PNTL Ezekuta Rezolusaun Kontra Arte Marsiais

DILI - Ministru Interior, Longuinhos Monteiro husu ba Polísia Nasionál Timor Leste (PNTL) atu ezekuta rezolusaun ne’ebé mak governu aprova hodi kontra grupu arte-marisias sira sei kontinua treina.

“Ha’u atu afirma de’it katak, polísia kontinua hala’o ninia kna’ar no husu atu ezekuta rezolusaun ne’ebé mak governu antes ne’e aprova ona atu halo kontrolu ba Grupu Arte Marsiais sira sei kontinua hala’o sira nia aktividade treinu,” Longuinho informa ba jornalista sira iha Palásiu Governu, Tersa, (11/10).

Eis Komandante Jerál PNTL ne’e dehan, rezolusaun governu nia kontinua vale, ne’ebé polísia iha kna’ar tomak atu halo tuir rezolusaun sira ne’e hodi kontrola atividade sira ilegais ne’e.

Antes ne’e governu hasai rezolusaun hodi deside taka Grupu Arte Marsiais (GAM) iha Timor Leste, tanba grupu arte marsiais hanesan PSHT, KORK noIkatan Kera Sakti.

Entretantu Polísia Nasionál Timor Leste (PNTL) munisípiu Covalima kaptura membru eis arte-marsiaisPersaudaraan Setia Hati Terate(PSHT) hamutuk ema na’in 11 hafoin ba sa’e sintu (sabuk) iha Indonézia.

“Ita kaptura ona na’in 11 ne’ebé maka submete ona ba prosesu,” Segundu Komandante Jerál PNTL, Komisáriu Faustino da Costa ba jornalista iha Kuartél Jerál PNTL, Kaikoli, Segunda, (10/10).

Nia hatutan, iha rezolusaun governu nian bandu no taka ona arte-marsiais tolu PSHT, Kmanek Oan Rai Klaran (KORK) noIkatan Kera Sakti(IKS).

“Ita nia kestaun maka ne’e, mesmu rezolusaun bandu ona, mais iha ema para hato’o informasaun ba Polísia ka lae, ida ne’e maka sai problema ba ita agora,” dehan Komisáriu Faustino.(gus)

Timor Post