Sidadaun
españól ida, ne'ebé labele sai hosi Díli hahú hosi fulan-Juñu, senti hakfodak
no preokupadu ho perfi sira hosi nia detensaun tanba deskonfia tráfiku ai-moruk
sira nian bainhira hatete de'it katak nia lori ai-moruk sira ne'e ho reseita
médiku nian.
Luis
Morales konta ona iha loron-kuarta ne'e ba Lusa katak kaer nia iha loron 04
Juñu ho ai-moruk sira kodeína iha bolsu, - ne'ebé reseita hosi médiku ida -
hela loron tolu iha polísia nia liman laran no hafoin ne'e prende nia
pasaporte, maski seidauk hetan akuzasaun formal.
"Hahú
hosi fulan-Juñu maka ha'u la hatene buat ida. Ha'u nia inan moras hela ho
kankru pankreas nian no ha'u labele sai hosi nasaun ne'e hodi ba vizita nian.
Ne'e akontese tanba de'it sira prende ha'u ho ai-moruk sira ne'ebé fó hosi
klinika tolu ne'ebé la hanesan iha nasaun tolu ne'ebé la hanesan", nia
hatete.
Agora
sidadaun españól serbisu fali - maski antes empreza hasai tiha nia hosi serbisu
- no laiha posibilidade hodi sai hosi nasaun.
Montes,
ne'ebé to'o iha Timor-Leste iha fulan-Setembru 2013 hodi serbisu ba empreza
estranjeiru ida iha kontrusaun estrada sira nian, nia hatete katak hahú moras
iha fulan-Janeiru tinan ne'ebá bainhira hahú senti ulun-moras derepente.
Iha
faze dahuluk nia ba klínika internasional ida iha Díli ne'ebé sira la konsege
detekta problema no nune'e nia hetan tratamentu ho morfina.
Lahó
diagnóstiku loloos no ho ulun-moras ne'ebé kontinua nia halo viajen ba
Singapura hodi hala'o teste oioin, no hetan diagnóstiku ba enxakeka ne'ebé
maka'as tebes.
"Ha'u
sai hosi Singapura ho ai-moruk hamutuk 31 loron ida. No ho ai-moruk sira
sufisiente ba fulan ida: kuaze ai-moruk rihun ida. Ha'u iha dokumentu sira hosi
ospital ba aeroportu isra no buat hotu liu lahó problema sira", nia
hatete.
Hafoin
ba tiha konsulta ida iha España, nia hetan rekomendasaun atu la'o nafatin ho
kodeína, ai-moruk ida ne'ebé iha Timor-Leste konsidera hanesan narkótiku, tenki
akompaña ho reseita médiku nian, hanesan Luis Morales haktuir katak nia
iha.
Iha
loron 03 Juñu, españól iha hela bar ida iha Díli no kaer hosi ajente sira
Polísia Sientífiku hosi Investigasaun Kriminal (PCIC) ne'ebé prende ai-moruk
sira ne'e.
Hafoin
ne'e lori nia ba eskuadra polísia nian iha Kaikoli ne'ebé, tuir nia esplika,
hetan interogasaun no hafoin ne'e ajente sira hosi PCIC akompaña nia ba uma,
ne'ebé halo revista ida no prende tiha ai-moruk sira.
Luis
Morales konta ona katak nia hafoin ne'e ba fali polísia no akuza polísia tanba
mantén ho aljema durante oras 12 nia laran tanba, tuir nia hatete, laiha xave
hodi hasai aljema sira, no tanba rekuza medikasaun ba nia maski nia kesar katak
iha ulun-moras maka'as.
Hafoin
marka tiha prezensa iha tribunal, juis ida determina ona atu nia entrega
pasaporte, nune'e nia labele sai hosi nasaun.
Maibé,
nia hatete katak polísia fó fali ona ai-moruk sira ne'ebé sira prende iha nia
uma, maibé la fó ai-moruk rua ne'ebé sira prende iha bar.
"Iha
loron ne'ebé ha'u sai hosi tribunal ha'u nia empreza hasai tiha ha'u hosi
serbisu no ha'u, derepente no tanba iha ai-moruk sira ho reseita médiku nian,
laiha pasaporte, laiha serbisu, laiha uma no ho mala ida no laiha fatin hodi
hela", nia afirma ona.
Lusa
tenta rona polísia kona-ba kazu ne'e maibé la hetan resposta ida.
SAPO
TL ho Lusa
Sem comentários:
Enviar um comentário