Estudante
husi Eskola Baziku Central (EBC) Farol no joven ne’ebe hela iha area Farol
utilija jardin Borja da Costa hodi hemu tua no fuma.
“Ami
utilija fatin ne’e hodi pasa tempu no halimar hanesan hemu tua no fuma, tanba
wainhira ami fuma iha area eskola nian mestri sira hirus ho nune’e ami utilija
deit jardin ne’e hodi halimar no fuma,”hateten Bernadino da Costa nudar
estudante EBC Farol, ba JN-Diario iha jardin Borja da Costa, Farol-Dili Segunda
(10/10/2016).
Iha
fatin hanesan, Sejuina de Jesus nudar vendedor iha jardin refere hatutan,
estudante husi EBC Farol utilija mos jardin ne’e hodi provoka malu no baku malu
e laiha ema ida atu tau matan.
“Estudante
laos utilija deit fatin ne’e hanesan hemu tua no fuma, maibe utilija hodi
provoka malu hodi baku malu hanesan ita haree dau-daun ne’e e wainhira sira
baku malu dalaruma ami maka duni fali sira,”dehan Sejuina.
Ho
nune’e husu ba professor ne’ebe hanorin iha EBC Farol atu bele responsabilija
ba estudante, tanba estudante ne’ebe baku malu maioria ho idade ki’ik deit.
“Ho
situasaun ne’e husu ba direktur EBC Farol atu bele halo kontrola ba estudante
sira hodi labele hemu tua, fuma liu-liu baku malu, tanba estudante ne’ebe baku
malu maioria ho idade ki’ik deit e wainhira sira baku malu laiha ema ida maka
tau matan no hakalma sira no dalaruma estudante la tama eskola hodi konsentra
hamutuk fali iha jardin refere,” sujere Sejuina.
Hatan
ba problema refere, adjuntu Direktur EBC Farol Nicolau Ximenes hateten,
responsabilidade professor atu hanorin no eduka iha sala laran laos atu duni
tuir estudante iha liur.
“Ami
nia responsabilidade maka hanorin iha sala laran wainhira iha sala laran maka
la hanorin ne’e ami sala, maibe sai ona ba liur ne’e laos responsabilidade
professores,”dehan Nicolau Ximenes.
Nia
hatutan, eskola hanesan fatin buka matenek laos atu baku malu e wainhira
estudante baku malu iha liur ne’e laos responsabilidade professor, maibe
responsabilidade polisia komunitariu.
“Wainhira
estudante baku malu iha sala laran ami bele responsabilija, maibe iha liur ne’e
kompetensia husi polisia komunitariu e agora dau-daun ita iha ona polisia
komunitariu hodi haree mos ba estudante ne’ebe baku malu iha liur,”tenik
Nicolau. Ita
Jornal
Nacional
Sem comentários:
Enviar um comentário